Snjallræði 2019

Eftirtalin teymi tóku þátt í hraðlinum árið 2019:

abcLights

abcLights hyggst hanna umhverfisvæn hágæðagróðurhús með það fyrir augum að veita ungum börnum tækifæri til þess að læra að rækta eigið grænmeti og ávexti og stuðla að auknum áhuga meðal almennings á grænum kostum. Stefnt er að samstarfi við sveitarfélög og leikskóla.

Heimasíða

EyCo

EyCo býður upp á frumlegar og sérsniðnar lausn fyrir einstaklinga og fyrirtæki til þess að kolefnisjafna eigin starfsemi og daglegt líf. Markmið EyCo er að minnka árlega kolefnislosun Íslands um 100 þúsund tonn.

Rótin

Markmið Rótarinnar er að setja á fót stuðningssetur fyrir konur og koma samstarfi á milli stofnana, samtaka og annarra fagaðila sem fást við vímuefnameðferð fyrir konur, ofbeldi og úrvinnslu áfalla.

Heimasíða

Rephaiah

Markmið Rephaiah er að setja á fót óhagnaðardrifin samtök sem hafa það að markmiði að framleiða lífsnauðsynleg lyf fyrir ung börn í Malaví. Með því mætir teymið þeirri gríðarlegu þörf sem er til staðar meðal þessa viðkvæma hóps.

Heimasíða

Dattaca Labs

Dattaca Labs hyggst skapa félagslegan nýsköpunarmarkað (e. Social Innovation Marketplace) þar sem hægt verður að skrá áskoranir af ýmsum toga í gagnagrunn í þeim tilgangi að tengja saman einstaklinga, fyrirtæki, stofnanir og fleiri við rétta aðila sem líta á áskoranirnar sem tækifæri til lausna.

Greenbytes

GreenBytes býður upp á lausn þar sem sölugögn, reiknirit og vélanám er nýtt til að draga úr matarsóun á veitingastöðum og auka um leið hagnað þeirra.

Heimasíða

Tré lífsins

Tré lífsins hyggst bjóða upp á nýja valmöguleika við andlát þannig að fólk geti skrásett sögu sína og hinstu óskir fyrir andlát og eftir andlát lifi minning ástvina áfram á minningasíðu. Aska hins látna verður jafnframt gróðursett ásamt tré í minningagarði þar sem tréð vex til minningar um hinn látna.

Heimasíða

PLOGG-IN

PLOGG-IN er kerfi sem ætlað er að hjálpa plokkurum, útivistarfólki og umhverfissinnum sem reglubundið tínir upp sorp samhliða hreyfingu, að skipuleggja starf sitt.

Heimasíða